Sakatu irudi honen gainean
informazio gehiago lortzeko

Aplikazio honetan erlazio horiek aurkituko ditugu eta zenbait problema ebazteko erabiliko ditugu.

Sakatu irudi honen gainean
erabiltzeko argibideak ikusteko

Galderak

1. Zein angelu-bikote dira erpinez aurkako angeluak? Zer erlazio dute erpinez aurkako angeluek? Egiaztatu: neurtu graduatzailearen bitartez eta emaitzak egiaztatu. Alda ezazu zuzenen posizioa eta errepikatu neurketa. Bion arteko erlazioa mantentzen al da?

2. Zer bikote albo-angelu ikusten dituzu? Zer erlazio dago albo-angeluen artean? Egiaztatu: neurtu graduatzailearen bitartez eta emaitzak egiaztatu. Alda ezazu zuzenen posizioa eta errepikatu neurketa. Bion arteko erlazioa mantentzen al da?

3. Mugi itzazu zuzenak C angelua 35º izateko (graduatzailea erabil dezakezu). Zenbat neurtzen dute beste angeluek?

4. Mugi ezazu irristatzailea "Paraleloa" eskuinerantz. Behatu agertzen diren angeluak. Seinalatu ikusten dituzun angelu korrespondenteen bikote guztiak. Zer erlazio dute elkarrekiko bi angelu korrespondentek? Graduatzailea erabili emaitzak egiaztatzeko. Orain zuzenen posizioa aldatu (puntu horiren bat mugitu). Aurkitutako erlazioa mantentzen al da? Egiaztatu graduatzailea erabiliz. Kopia ezazu marrazkia koadernoan eta bertan seinalatu angelu korrespondenteen bikoteak.

5. Seinalatu ikusten dituzun txandakako barne-angeluen bikote guztiak. Zer erlazio dute beraien artean barne-alterno-angeluek? Egiaztatu graduatzailea erabiliz. Zuzenen posizioa aldatu (puntu horiren bat mugitu) Aurkitutako erlazioa mantentzen al da? Behar dituzun neurriak hartu eta egiaztatu. Marrazkia koadernoan kopiatu eta, bertan seinalatu txandakako barne-angeluen bikoteak.

6. Seinalatu txandakako kanpo-angeluen bikote guztiak. Zer erlazio dute beraien artean txandakako kanpo-angeluek? Graduatzailea erabili emaitzak egiaztatzeko. Zuzenen posizioa aldatu (puntu horiren bat mugitu) Aurkitutako erlaziorik mantentzen al da? Behar dituzun neurriak hartu eta egiaztatu. Marrazkia koadernoan kopiatu eta, bertan seinalatu txandakako kanpo-angeluen bikoteak.

7. Zuzenak mugitu C angeluak 45º neurtu arte (graduatzaileaz baliatu). Zenbat neurtzen dute beste angeluek? Lehendabizi egin kalkuluak aurreko ataletan aurkitutako erlazioak erabiliz eta, ondoren, emaitzak egiaztatu graduatzailearekin neurtuz.

8. Zuzenak mugitu H angeluak 60º neurtu arte (graduatzaileaz baliatu). Zenbat neurtzen dute beste angeluek? Egin kalkuluak aurreko ataletan aurkitutako erlazioak erabiliz eta, ondoren, konprobatu angeluak graduatzailearekin neurtuz.

9. Lor dezakezu 8 angeluak berdinak izatea ? Zein izango da bere balioa kasu horretan? Zergatik?

10. Jarri ditzakezu zuzenak E angeluak 43º eta C angeluak 58º neurtu ahal izateko? Argudiatu zure erantzuna eta, baiezkoa bada, egiaztatu graduatzailea erabiliz.